(Видео) Украина погоди клучен руски енергетски центар близу Москва: Избувна огромен пожар

Украинската служба за безбедност СБУ ноќеска извршила напад со дронови со долг дострел врз клучна енергетска точка длабоко на руска територија.

Цел на нападот била дистрибутивната станица „Второво“ во Владимирската област, на околу 200 километри источно од Москва, каде што избувнал голем пожар што зафатил површина од околу 800 квадратни метри.

— реклама —

Според украински извори, терминалот „Второво“, управуван од компанијата Транснефт, претставува важен центар за дистрибуција на дизел гориво и снабдување на московските аеродроми Шереметјево, Домодедово и Внуково.

— реклама —

Од СБУ наведуваат дека нападот бил насочен исклучиво кон стратешка и воена инфраструктура поврзана со руската агресија.

— реклама —

„За разлика од непријателот, кој намерно гаѓа цивилна инфраструктура и мирни луѓе, Украина изведува прецизни удари исклучиво врз воени и стратешки цели“, изјавил шефот на СБУ, Јевхениј Хмара.

Украинските власти тврдат дека повеќе дронови успеале да ги избегнат руските системи за електронско војување и прецизно да ја погодат инфраструктурата.

Од СБУ посочуваат дека нападот е дел од поширока кампања за слабеење на рускиот воено-индустриски потенцијал и најавуваат продолжување на операциите длабоко во руска територија.