(Видео) Украина тврди: Погодени стратешки нафтени постројки во Русија

Дронски напади рано утрово погодија две рафинерии на нафта во Русија – во Краснодар и во Самара, при што избувна голем пожар и беше предизвикана значителна штета. Информацијата ја објави Kyiv Post, повикувајќи се на официјални извори.

— реклама —

Нападот во Краснодар се случил околу 3:30 часот по локално време, кога градот бил потресен од серија експлозии. Жителите пријавиле десетици детонации и активирање на системите за противвоздушна одбрана. Според сведоци, непосредно пред експлозиите се слушал звук на дронови над градот. На социјалните мрежи брзо се појавија снимки од пожар во нафтената рафинерија.

— реклама —

Работниците биле веднаш евакуирани, а на местото пристигнале пожарникари и итни служби. Засега нема информации за жртви. Руските власти потврдија дека остатоци од дрон погодиле дел од технолошкиот сегмент на рафинеријата во Краснодар, при што пожарот зафатил површина од околу 300 квадратни метри.

Истовремено, украинскиот Генерален штаб објави дека нивните сили повторно ја погодиле рафинеријата во градот Сизран, во Самарската област. Постројката таму произведува бензин, дизел, авионско гориво, мазут и битумен, а до август 2025 година обработувала до 8,5 милиони тони сурова нафта годишно.

— реклама —