(Видео) Украински дронови нападнаа хемиска фабрика во Русија, избувна голем пожар

Украински беспилотни летала во саботата нападнале хемиска фабрика во рускиот град Омск, предизвикувајќи голем пожар. Објектот „Омски каучук“ се наоѓа на околу 2.500 километри од украинската граница, објави „Украинска правда“.

— реклама —

Видеоснимка од нападот објавила украинската ОСИНТ-заедница Exilenova+, а инцидентот го потврдил и гувернерот на Омската област, Виталиј Хоценко. Според првичните информации на аналитичарите, погодени биле локации во близина на два производствени погона, меѓу кои и единицата Д-3, каде што се произведува метил-трет-бутил етер, како и единицата Д-5.

— реклама —

— реклама —

Во саботата наутро била нападната и фабриката „Толијатикаучук“ во градот Тољати, во Самарската област, каде што по нападот биле забележани експлозија и пожар.

Ден претходно, на 23 октомври, била нападната и главната производствена зграда на фабриката „Протон-Електротекс“ во Орел. Фабриката има целосен производствен циклус и изработува оптоелектронска опрема и уреди.