(Видео) Украински дронови погодија складишта за нафта во Русија, избувнаа големи пожари

Украинските напади со дронови врз објекти од руската нафтена индустрија предизвикаа неколку големи пожари во јужниот дел на Русија, соопштија руските власти.

— реклама —

Според локалните медиуми, во Ставрополскиот Крај се запалиле три складишта за нафта. Гувернерот на регионот, Владимир Владимиров, потврди дека на неколку индустриски објекти избувнаа пожари и експлозии, додавајќи дека засега нема информации за повредени лица.

— реклама —

Тој не ги прецизира погодените објекти, но соопшти дека во дел од регионот е прогласена вонредна состојба. Од безбедносни причини се евакуираа повеќе објекти, а жителите беа преместени на сигурни локации.

— реклама —

Украинскиот претседател Володимир Зеленски на социјалните мрежи објави видеоснимки за кои тврди дека прикажуваат нафтени постројки зафатени од пожар.

„Ќе продолжиме да одговараме на руските напади на оправдан и прецизен начин“, порача Зеленски, додавајќи дека цел на украинските сили се и танкерите од, како што наведе, руската „тајна флота“ во Црното Море.