(Видео) Украински војник со автоматска пушка собори руски дрон-камиказа „Шахед“

Украински војник успеал со автоматска пушка да собори руски дрон-камиказа од типот „Шахед“, а снимката од необичниот подвиг брзо се прошири на социјалните мрежи.

— реклама —

Според украинските медиуми, припадник на граничниот одред во Чернихив го забележал дронот веднаш по неговото навлегување во украинскиот воздушен простор и успеал да го погоди со стандардно пешадиско оружје.

Ваквите беспилотни летала најчесто се пресретнуваат со системи за противвоздушна одбрана или специјализирани мобилни единици опремени со тешки митралези, па затоа овој случај предизвика големо внимание.

— реклама —

Чернихивската област има стратешко значење за Украина бидејќи е единствената област што директно граничи и со Русија и со Белорусија.

— реклама —

„Шахед-136“, кој руската армија го користи под името „Геран-2“, е ирански дрон-камиказа наменет за директен удар во целта. Леталото носи експлозивна боева глава тешка од 40 до 50 килограми и претставува едно од главните оружја што Русија ги користи за масовни напади врз украинската инфраструктура.

Иако се побавни и помалку прецизни од модерните ракети, овие дронови се релативно евтини за производство и често се лансираат во голем број со цел да ја преоптоварат украинската противвоздушна одбрана.