(Видео) Утрото по забавите: Охрид затрупан во смет, комуналците во трка да го исчистат градот

Охрид утринава осамна затрупан во отпад по неколкуте ноќи исполнети со концерти, забави и илјадници посетители кои до раните утрински часови останаа низ центарот и охридските улици.

— реклама —

Екипите на ЈП „Охридски Комуналец“ уште од рано изутрина беа на терен, обидувајќи се да го исчистат градот пред повторно да започне секојдневното функционирање и пристигнувањето на нови туристи.

На речиси секој чекор можеше да се забележат празни шишиња од алкохол, лименки, амбалажа од брза храна, хартија и друг отпад оставен зад посетителите.

— реклама —

Според жителите, ваквата слика не е исклучок, туку се повторува веќе трет ден по ред, откако во Охрид започнаа серија концерти и големи музички настани што привлекоа десетици илјади посетители.

— реклама —

Дел од охриѓаните реагираат дека градот во овие денови тешко функционира поради големиот број гости, а дополнителен револт предизвикува отпадот што останува по улиците, кејот и јавните површини.

И покрај тоа што комуналните служби секое утро го расчистуваат централното градско подрачје, жителите апелираат посетителите да покажат поголема грижа и одговорност кон градот, наместо зад себе да оставаат смет на јавните површини.

View this post on Instagram