Долга предистражна постапка ги открила неколкуте дилери на дрога, кои се од Скопје и Куманово. Освен во „Диво насеље“, специјалци влегле и во простории каде се наоѓаат и државни институции. Уапсени се полицајци, но и други лица кои работеле под државна капа.
Засега не се открива вкупниот број на приведените, а единствено познато е дека акцијата ја водела Вилма Русковска, шефица на Обвинителството за гонење организиран криминал и корупција. Акцијата почнала рано утринава, во координација со МВР.
Дел од уапсените се изведени пред судија на претходна постапка, каде се бара да им се одредат мерки на претпазливост.
Од Обвинителството најавија и соопштение за акцијата.
