(Видео) Во експлозијата во Атина почина една жена, пет лица се исчезнати

Една жена го загубила животот, а по пет лица продолжува потрагата откако силна експлозија целосно урнала трикатна зграда во историскиот дел на Атина, во близина на Акропол.

Несреќата се случила во населбата Плака, во мала улица која се наоѓа меѓу Акропол и храмот на Олимпиецот Зевс. Според информациите од локалните медиуми, во објектот се наоѓале апартмани наменети за туристички престој.

— реклама —

Спасувачките екипи утрово во урнатините го пронашле телото на една жена. Потрагата по останатите лица продолжува, а во акцијата се користат багери и термовизиски камери со цел да се откријат евентуални преживеани.

— реклама —

Според неофицијални информации, меѓу исчезнатите се четворица американски туристи, еден британски и еден грчки државјанин. Надлежните власти засега официјално не ги потврдиле овие податоци.

Експлозијата била толку силна што трикатницата целосно се урнала, а биле оштетени и соседни објекти. Остатоци од урнатиот објект биле расфрлани по улицата.

— реклама —

Според полицијата, исчезнатите туристи не се појавиле на својот лет на аеродромот во Атина, по што било пријавено дека им се губи трагата.

— реклама —

Како можна причина за експлозијата се наведува истекување на гас, но околностите за несреќата сè уште се истражуваат.