На Денот на пожарникарите, припадник на Противпожарната бригада Скопје приреди емотивно изненадување за својата девојка, запросувајќи ја пред колегите и присутните.
Неговите колеги држеа транспарент со порака:
„Во сите интервенции сум бил храбар, но оваа ми е најважната, ќе се омажиш ли за мене?“
По запросувањето следуваше и судбоносното „да“, по што присутните го поздравија моментот со аплаузи, овации и честитки.
Романтичниот чин се случи во атмосфера исполнета со емоции, токму на денот посветен на пожарникарите, кои секојдневно се грижат за безбедноста на граѓаните.
