(Видео) Вознемирувачка глетка во Кавадарци, сведочење: Коњ лежи на земја, со насилство се обидувале да го кренат

Вознемирувачка глетка во Кавадарци, каде што коњ бил затекнат паднат на земја и заплеткан во каиши, а според објавата на здружението „Лина – служба за спасување животни“, врз животното било применувано насилство во обид да се исправи.

— реклама —

Од здружението алармираат за состојбата со благосостојбата на животните во градот, оценувајќи дека таа е загрижувачка.

„Благосостојбата на коњите и општо животните во нашиот град е во ужасна состојба. Глетката е жална – паднат коњ, преплетен со каиши, со начин на насилство врз коњот за да стане“, наведуваат од „Лина“.

— реклама —

Според нивната објава, за случајот била повикана полиција.

— реклама —

Засега нема дополнителни информации за здравствената состојба на коњот, причините поради кои паднал, ниту дали надлежните институции презеле мерки по пријавата.