(Видео) Вознемирувачки снимки во Белград: Со автомобил влета меѓу студенти за време на 16-минутниот молк за загинатите

За време на денешниот 16-минутен молк пред Правниот факултет во Белград, дошло до сериозен инцидент кога возач со автомобил насилно се обидел да помине низ крстосницата која била блокирана од студенти и граѓани. Возачот физички нападнал студент, а потоа со возилото удрил и постар човек.

Според сведочењата на студентите, настанала вистинска драма и паника меѓу присутните. Во хаосот било искршено задното стакло од автомобилот, по што возачот со голема брзина се обидел да избега. Граѓани и студенти успеале да го запрат и опколат возилото на аголот меѓу Булеварот и улицата „Десанка Максимовиќ“, по што пристигнала и полицијата.

На социјалните мрежи се појавија снимки од инцидентот и од реакцијата на револтираните граѓани, кои жестоко реагирале на однесувањето на полицијата кон осомничениот. Насобраните граѓани гласно барале напаѓачот веднаш да биде приведен и му порачувале на полицијата дека станува збор за „обид за убиство“.

„Ова е обид за убиство! Го знаете ли Кривичниот законик? Ставете му лисици! Срам да ви е!“, се слуша на снимките објавени на интернет.

Студентите во блокада од Правниот, Архитектонскиот и ЕТФ факултет соопштија дека нападот се случил токму за време на оддавањето почит со 16-минутен молк за 16-те загинати во падот на настрешницата, што дополнително го зголеми гневот и вознемиреноста кај присутните.

View this post on Instagram

— реклама —