Српскиот претседател Александар Вучиќ објави хумористично видео на социјалната мрежа „Инстаграм“, на кое во главна улога се роботите Милутин и Драгутин, кои играат традиционално српско оро – Моравац.
„Моравац? Роботите се многу подобри од мене“, напиша Вучиќ во објавата, коментирајќи го видеото кое брзо привлече внимание на социјалните мрежи.
Во видеото, претседателот на Србија упати и повик до граѓаните да присуствуваат на големиот собир што е најавен за 27 јуни пред Собранието на Србија во Белград.
„Не смееме да ја делиме земјата, мора да покажеме почит кон постарите... А Милутин и Драгутин се тука да ни помогнат во сето тоа. Заедно ја градиме иднината“, порача Вучиќ.
Објавата предизвика бројни реакции на социјалните мрежи, каде корисниците коментираа за настапот на роботите, но и за пораките што ги испрати српскиот претседател.
