Потрагата по двегодишното девојче Данка Илиќ од околината на Бор, чие исчезнување беше пријавено во вторникот, продолжува и денеска. Откако полицијата со мајката на исчезнатото девојче отишла на местото каде што исчезнала вчера, за да им го покаже секој чекор и детал од денот кога исчезнала, потрагата на теренот продолжила денеска. Согласно наредбата на министерот за внатрешни работи, хеликоптери на МУП ќе го надлетуваат и ќе го набљудуваат поширокото подрачје околу просторот каде денеска исчезна двегодишното девојче, пишува Нова.рс
По реконструкцијата на движењата што вчера ги направи полицијата со Ивана Илиќ, мајката на исчезнатата Данка, потрагата на теренот продолжи денеска.
Спасувачките екипи вчера ја пребараа областа околу куќата, тунелите, шумите и каналите.
Медиумите јавуваат дека се размислува за претрес на езерото Бор, кое е на седум-осум километри од тоа место - но тоа не е потврдено од МУП. Мајката вчера повторно беше во полициска станица, за да одговори на дополнителни прашања од полицијата која постојано добива разни пријави.
Да потсетиме, девојчето Данка исчезна во вторникот околу 13 часот и 45 минути и оттогаш се води како исчезната.
Кафеава коса, кафени очи, висина околу 85 см. Во моментот на нејзиното исчезнување таа носела маслинесто зелена јакна, виолетови панталони и црни патики.
Поради исчезнувањето на Данка, за прв пат во Србија е активиран системот „Најди ме“, српската верзија на „Amber Alert“.
