Надзорна камера во болница во јапонскиот град Кумамото сними драматичен момент кога силен земјотрес со јачина од 7,1 степен ја погоди операционата сала за време на хируршка интервенција.
На снимката се гледа како лекарите со телата го придржуваат операцискиот стол и го штитат пациентот, додека просторијата силно се тресеше, а медицинската опрема се поместува и паѓа.
Во еден момент, силните потреси оттурнуваат дел од медицинскиот персонал кон другиот крај на салата. Еден од членовите на тимот паѓа на подот додека се обидува да ја обезбеди опремата, но двајца хирурзи не се оддалечуваат од пациентот и продолжуваат да го држат операцискиот стол.
Според јапонските медиуми, по смирувањето на потресите, медицинскиот тим ја продолжил операцијата и успешно ја завршил. Болницата со редовна работа продолжила на 5 август.
Земјотресот го погоди јужниот дел на островот Кјушу на 28 јули. Во катастрофата загинаа 38 лица, а повеќе од 120 беа повредени.
Потресот предизвика големи материјални штети, меѓу кои експлозија во трговски центар, уривање на фабрички оџак, оштетувања на бројни објекти и прекини во снабдувањето со струја и вода. Илјадници жители беа евакуирани, а потресот се почувствува и во Јужна Кореја.
