(Видео) Загинаа пет планинари од БиХ на Елбрус, телата останаа на планината

Петмина планинари од Босна и Херцеговина загинаа при искачување на Елбрус, највисокиот врв во Европа, јавуваат руските медиуми. Од седумчлената експедиција преживеале само двајца.

— реклама —

Според информациите, еден од планинарите успеал самостојно да се спушти од планината и да повика помош, додека вториот бил пронајден од спасувачките екипи. Двајцата се хоспитализирани и се под лекарски надзор.

Драмата започнала на 25 јули, кога било пријавено дека групата останала заглавена на Елбрус и не може да се спушти. Иако временските услови на почетокот биле поволни, ситуацијата нагло се влошила. Брзината на ветерот достигнала 70 километри на час, што значително ги отежнало спасувачките операции.

— реклама —

Истражниот комитет на Русија соопшти дека групата од седуммина планинари тргнала кон врвот на Елбрус, а подоцна било пријавено дека на височина од околу 5.100 метри на двајца од нив им се слошило. Подоцнежните информации потврдија дека петмина членови на експедицијата ги загубиле животите.

— реклама —

Според руските медиуми, телата на загинатите сè уште се наоѓаат на планината, а нивното извлекување е отежнато поради екстремните временски услови.

Елбрус, висок 5.642 метри, е познат по своите непредвидливи и сурови услови. Само неколку дена претходно, на оваа планина загина 11-годишно момче, додека неговиот татко беше тешко повреден при искачување.

— реклама —

View this post on Instagram