(Видео) Зеленски пристигна во Србија, го очекуваат разговори со Вучиќ

Украинскиот претседател Володимир Зеленски денеска пристигна во Белград, што е негова прва посета на Србија откако е избран за претседател на Украина.

— реклама —

На белградскиот аеродром го пречека српската министерка за рударство и енергетика Дубравка Ѓедовиќ Хандановиќ.

— реклама —

— реклама —

Зеленски најави дека денеска и утре ќе има разговори со српскиот претседател Александар Вучиќ и премиерот Ѓуро Мацут. Како што изјави, теми на средбите ќе бидат проширувањето на економската соработка меѓу двете земји, односите со Европската Унија, како и безбедносните прашања.

Посетата се одржува во период кога Србија се обидува да ги одржи традиционално блиските односи со Русија, а истовремено да го продолжи процесот на приближување кон Европската Унија. Белград ја поддржува територијалната целовитост на Украина, но досега не им се приклучи на санкциите против Русија.