Вирусот Шамонда што досега ги погодувал животните откриен кај човек во Франција, пациентот починал

Француските здравствени власти потврдија прв случај на зараза со вирусот Шамонда кај човек. Пациентот кај кого бил откриен вирусот во меѓувреме починал, но надлежните уверуваат дека засега нема опасност за поширокото население, пренесува „Ројтерс“.

— реклама —

Вирусот Шамонда припаѓа на групата ортобунијавируси што ги пренесуваат инсектите. Првенствено ги погодува животните, особено говедата, а се шири преку ситни мушички. За првпат бил откриен во Нигерија во средината на 1960-тите години, а подоцна повремено бил регистриран кај животни во Африка и Јапонија.

— реклама —

Во текот на оваа година, вирусот почнал да се шири и во неколку европски држави.

— реклама —

Според француските власти, досега се сметало дека вирусот не се пренесува на луѓето. Главната претпоставка е дека пациентот се заразил во источниот дел на Франција, каде што вирусот циркулирал меѓу животните во текот на пролетта и летото 2026 година.

Здравствените власти засега нагласуваат дека нема опасност за општата популација.