Вкупно 53 пациенти досега се евидентирани како лица кои прележале западнонилска треска, информира министерот за здравство Сашо Клековски. Од нив, 50 случаи се потврдени, додека три се сомнителни и за нив се очекуваат резултатите од дополнителните тестирања.
Од вкупниот број пациенти, 52 развиле нервно-инвазивна форма на болеста, додека еден пациент бил без нервно-инвазивна форма и е меѓу лицата кои се излекувани и отпуштени од здравствена установа.
На Клиниката за инфективни болести биле третирани или сè уште се лекуваат 51 пациент со нервно-инвазивна форма, додека еден пациент се лекува во приватна здравствена установа.
Од 51 пациент лекуван на Клиниката за инфективни болести, 25 се излекувани и се пуштени на домашно лекување. За жал, регистрирани се и пет смртни случаи, додека во моментов се хоспитализирани 21 пациент.
Од хоспитализираните 21 пациент, кај 18 е потврдена западнонилската треска, додека за тројца сè уште се чекаат резултатите од тестирањата.
Шест од моментално хоспитализираните пациенти се на интензивно лекување.
Најмладата пациентка од Студеничани е отпуштена од болница, а се очекува и најмладиот пациент, кој има 26 години, од Зелениково да биде отпуштен од болница.
Исто така и пациентот кој се лекувал во приватна болница е отпуштен.
