Владата бара решенија за превозниците во Шенген-зоната, Швајцарија прва подала рака, најави Николоски

Владата ќе продолжи да го поддржува извозот и домашните компании, а инвестициите во патната и железничката инфраструктура на коридорите 8 и 10 се реализираат забрзано, истакна вицепремиерот Александар Николоски на „Форумот за глобална трговија и раст 2026“, организиран од Швајцарската комора на Македонија.

— реклама —

Николоски нагласи дека извозот е главен приоритет за домашната економија, бидејќи само со настап на странските пазари може да се обезбеди дополнителен економски раст. Тој посочи дека странските компании што веќе инвестирале во земјава продолжуваат да се развиваат, пристигнуваат нови инвеститори, а сè повеќе домашни компании се пробиваат на странските пазари.

— реклама —

Како важна предност ги посочи конкурентните цени на горивата и железничкиот транспорт, нагласувајќи дека тие треба да се одржат и покрај глобалните предизвици.

— реклама —

Вицепремиерот се осврна и на проблемите со кои се соочуваат превозниците во земјите од Шенген-зоната. Тој рече дека Владата бара билатерални решенија со засегнатите држави, а Швајцарија е првата земја што подала рака за решавање на прашањето.

Николоски додаде дека, покрај поддршката за домашните и странските компании, потребно е да се работи и на стандардизацијата, со цел да се зголеми конкурентноста на македонските компании на меѓународните пазари.