„Владата предводена од СДСМ во континуитет презема конкретни мерки кои значат поттик на младите, но и идните претприемачи да се ориентираат кон ИТ секторот. Во таа насока е и одлуката за намалување на персоналниот данок во ИТ секторот од сегашните 10 отсто на 0 отсто до 2023 година, што ќе биде силен стимул за младите што повеќе да се насочат кон овој значаен сектор каде постојано се потребни нови работници“, вели СДСМ.
„Дополнително, до 2023 година се предвидуваат низа стимулативни мерки во ИКТ секторот освен намалување на персоналниот данок, ослободување од данок за преквалификација, обука, дообука во компаниите, ослободување од данок од трошоците кои се прават за лиценци за ИТ индустријата. Владата предводена од СДСМ ќе продолжи да обезбедува финансиска поддршка на перспективни компании и стартапи во ИКТ секторот, бидејќи секое ново вработување во овој сектор обезбедува добро платена позиција, сигурна кариера и развој на младите, со крајна цел развој на економијата и раст на стандардот во земјата. СДСМ уште посилно продолжува со заложбите кон подобрување на условите за работа и раст на ИТ индустријата и економскиот стандард на граѓаните“, додава партијата
