„Владата ќе ги обештети граѓаните кои претрпеа штета од невремето во Скопје“, вели Мицкоски

Премиерот Христијан Мицкоски изјави дека Владата ќе ги обештети граѓаните кои претрпеле штета од неодамнешното невреме во Скопје, откако ќе заврши законската постапка за процена на штетите.

— реклама —

Одговарајќи на новинарско прашање, Мицкоски ги повика граѓаните што претрпеле материјална штета навремено да ја пријават до надлежните општински комисии.

— реклама —

— реклама —

„Општините и институциите под нивна надлежност формираат комисии. Граѓаните кои имаат штета треба да ја пријават, комисиите ќе извршат процена, а потоа извештаите ќе бидат доставени до Комитетот за проценка на штети и до Владата. Согласно законот и досегашната практика, ќе интервенираме и ќе ги обештетиме сите граѓани кај кои ќе биде утврдена штета“, изјави Мицкоски.

Тој апелираше до сите граѓани кои претрпеле последици од невремето да поднесат пријава, за надлежните комисии да можат да ја евидентираат и проценат штетата, по што Владата ќе постапи во согласност со законските процедури за исплата на обештетување.