Влажни марамици, гуми и ќебиња завршуваат во шахтите: „Водовод“ со апел до граѓаните

ЈП „Водовод и канализација“ – Скопје продолжува со активности на терен за расчистување и решавање на проблемите со канализациската мрежа, при што од претпријатието повторно апелираат до граѓаните да не фрлаат отпад во канализацијата.

— реклама —

Директорот на претпријатието, Иван Митровски, посочува дека во канализациската мрежа завршуваат влажни марамици, гуми, канти од поликолор, ќебиња и друг отпад што не припаѓа таму.

— реклама —

— реклама —

„Кога завршуваат таму, создаваат проблеми што на крајот ги чувствуваме сите“, наведува Митровски.

Од „Водовод и канализација“ велат дека ќе продолжат со работата на терен и со решавање на ваквите проблеми, но апелираат и на поголема одговорност од страна на граѓаните.

„Да бидеме посовесни. Да чуваме што е наше. Само заедно можеме да имаме почист и пофункционален град“, порача Митровски.