ВМРО-ДПМНЕ до Филипче: Наместо паника меѓу земјоделците, кажи каде завршија неисплатените субвенции

ВМРО-ДПМНЕ реагираше на изјавите на лидерот на СДСМ, Венко Филипче, обвинувајќи го дека шири паника меѓу земјоделците и пласира невистини за состојбите во земјоделството.

Од владејачката партија велат дека СДСМ при заминувањето од власт оставила долгови и неисплатени субвенции за повеќе години.

— реклама —

„Филипче, наместо да дигаш паника меѓу земјоделците, кажи каде се парите од неисплатените субвенции. Кога заминавте од власт, оставивте неисплатени субвенции за 2020, 2021, 2022 и 2023 година“, се наведува во реакцијата.

Од ВМРО-ДПМНЕ тврдат дека од доаѓањето на власт исплатиле 350 милиони денари за неисплатени плати во ЈП Национални шуми и АД Водостопанство, како и близу четири милијарди денари во периодот од 27 јули до крајот на 2024 година.

— реклама —

„Вкупно од 27.07.2024 година до денес се исплатени близу 14 милијарди денари за заостанати и тековни обврски“, наведуваат од партијата.

— реклама —

Во реакцијата се поставуваат и прашања до Филипче за измените во Законот за вино и за методологијата за пресметка на производните трошоци за винското грозје.

„Одговори им на лозарите зошто во ваше време се вметнаа дополнителни осум проценти кои винариите им ги кратат и зошто не беше изготвена методологија за пресметка на трошоците за производство на килограм винско грозје“, стои во соопштението.

— реклама —

Од ВМРО-ДПМНЕ порачуваат дека резултатите во земјоделството се видливи и дека земјоделците денес имаат партнер во Владата.

„Не ви поминуваат лагите. Земјоделците знаат дека никогаш нема да бидат оставени сами како што беа во времето на СДС“, наведуваат од партијата.