ЗЕМЈОДЕЛИЕ

Пратеникот Љупчо Николовски бил на распит во полиција по барање на обвинител, го распрашувале за економски криминал

Обвинителството води предмет против пратеникот на СДСМ, Љупчо Николовски, кој е поранешен министер за земјоделство. Тој пред шест дена бил повикан во полициска станица на информативен разговор, потврдуваат од МВР за „Скопје1“, откако вчера оваа информација беше објавена на дел од порталите.За што се однесува предметот, од МВР не откриваат. Познато е само дека Николовски бил на распит кај инспектор од Единицата за економски криминал и корупција.„Во тек се активности, по што, соодветно ќе ја информираме јавноста“, велат од МВР.„Скопје1“ се обиде да стапи во контакт со Николовски, кого го прашавме која е причината поради што бил повикан во станица. Тој до овој момент не одговори на нашата порака.Според неофицијалните информации на кои се повикаа повеќе медиуми, постапката е за наводен тендер и негова злоупотреба. Истиот, според истите информации, бил во вредност од 800.000 евра.

Македонија | пред 3 дена

За Министерството за земјоделие трибината со дерење е „конструктивна атмосфера“

Министерството за земјоделство тврди дека трибината во Битола, на која имаше тензии, расправии и реакции од земјоделците, поминала во „конструктивна атмосфера“, оценувајќи дека суштината на настанот била директен дијалог со граѓаните.Од Министерството соопштија дека во рамки на кампањата „Гласот што го слушаме – македонско најдобро“, земјоделците поставиле низа прашања на кои, како што наведуваат, биле дадени одговори.„Целта на трибината е директен дијалог и слушање на реалните потреби на македонските земјоделци“, велат од Министерството.Сепак, во реакцијата индиректно се признава дека имало инциденти, но одговорноста се префрла на присутни поединци.„Однесувањето на одредени поединци и однапред смисленото сценарио говори исклучиво за нив самите“, стои во соопштението.Министерството апелира медиумите да известуваат „објективно“, без генерализација која, според нив, не ја отсликува реалната слика од трибината.Претходно, на настанот во Битола се слушнаа остри реакции од сточари и земјоделци кои јавно побараа исплата на субвенции, а дел од дискусијата премина во расправија и меѓусебни дофрлања.

Македонија | пред 1 месец

(Видео) Тензии и караница на трибина на министерот Трипуновски и земјоделците: „Кажи дека нема пари, нема душата да ти ја земеме“

Министерот за земјоделие Цветан Трипуновски имаше жестока расправија на трибина организирана од Министерството за земјоделие во Битола. Сточарот Борче Бучински, бидејќи според него, треба отворено да им се каже на земјоделците дкеа нема пари за исплата, а не да им се ветува, па да не се исплаќаат.„Кажи, нема душата да ти ја земеме“, му рече Бучиноски, а од страна некој дофрли „Од СДС не баравте, сега барате“, на што Бучиноски врати „Кој не барал бе од СДС...“ по што настана општи хаос, а дел од присутните се смееја.Потоа, Тони Петковски - Паша кој е сточар, исто така ги бараше субвенциите по грло-крава.„Замижав и ја поддржав програмата, затоа што кога бевме во кабинет, ми рече 'ќе завршиме со исплатата', го исплати лозјето за да одиш на св. Трифун и повеќе застана“; додаде Петковски, по што дел од присутните се смееја, други аплаудираа.Министерот Цветан Трипуновски вели дека за два месеци се исплатени 50 милиони евра субвенции кон земјоделците.

Македонија | пред 1 месец