ВМРО-ДПМНЕ: Филипче од јахтата на Заев откри „нова криза“ – селската чешма во Кривогаштани

ВМРО-ДПМНЕ го обвини лидерот на СДСМ, Венко Филипче, дека шири паника околу квалитетот на водата од селска чешма во Кривогаштани, откако тој предупредил дека водата е загадена.

— реклама —

Од партијата велат дека Филипче темата ја отвора додека е на одмор во Грција и го обвинуваат дека случајот го користи за „ширење хистерија“ и политички пресметки.

— реклама —

ВМРО-ДПМНЕ во реакцијата потсетува и на периодот кога Филипче беше министер за здравство, тврдејќи дека тогаш, како што наведуваат, не реагирал на голем број извештаи поврзани со загадена вода.

Од партијата го обвинуваат СДСМ и за ширење, како што велат, дезинформации и паника околу квалитетот на водата, посочувајќи дека претходно биле отворани слични теми во Скопје и Гостивар.

— реклама —

Во реакцијата се споменуваат и пожарите на депониите „Вардариште“ и „Дрисла“, при што ВМРО-ДПМНЕ тврди дека годинава нема такви пожари и тоа го поврзува со отсуството на локални избори.

— реклама —

Од партијата на крајот порачуваат дека Македонија треба да продолжи напред, и покрај, како што оценуваат, „незрелоста на СДСМ и Венко Филипче“.