ВМРО-ДПМНЕ ќе предложи во Собрание декларација за револуционерот Гоце Делчев.
Лидерот на ВМРО-ДПМНЕ Христијан Мицкоски најави дека утре пратеничката група ќе поднесе Декларација која што ќе ги исцрта позициите по прашањето за Гоце Делчев во македонското собрание по повод 150 години од раѓањето на Делчев.
Тој во интервју за Канал 5 посочи дека доколку би бил премиер заедно со бугарскиот премиер Кирил Петков би положил цвеќе на споменикот на Гоце Делчев, само ако Петков се сложи дека Гоце Делчев се борел за своја македонска независна држава.
„Ако Петков се сложи дека Гоце Делчев е Македонец и се борел за своја македонска независна држава, тогаш немам никаков проблем“, вели Мицкоски.
По неколку години пауза, Македонија и Бугарија утре повторно заеднички ќе му оддадат почит на Гоце Делчев.
