ВМРО-ДПМНЕ со жестока реакција: „За СДСМ сите се криви, само нивниот талог не е“

ВМРО-ДПМНЕ реагира на последните критики од СДСМ, обвинувајќи ја опозициската партија дека бара одговорност од сите, но избегнува да постави прашања до своите коалициски партнери во Гостивар.

— реклама —

Во партиската реакција се наведува дека СДСМ не бара одговорност од градоначалникот на Гостивар, Валбон Лимани, со кого, како што тврди ВМРО-ДПМНЕ, ја дели локалната власт, ниту бара дополнителни одговори за состојбата со водоснабдувањето и квалитетот на водата.

Од ВМРО-ДПМНЕ посочуваат дека извештаите за водата што се во надлежност на централната власт веќе се објавени, но дека СДСМ не ги бара извештаите што се во надлежност на локалните институции.

— реклама —

„Ако тоа го направи, ќе треба од самата себе да бара одговори, зошто заедно со партијата на Таравари, СДС ја води општината и нејзините институции“, се наведува во реакцијата.

— реклама —

ВМРО-ДПМНЕ исто така го обвинува СДСМ дека неговите претставници не го посетиле Гостивар за време на кризата со водата и не им помогнале на граѓаните.

Во реакцијата се упатени критики и за политичкото дејствување на СДСМ, при што од ВМРО-ДПМНЕ обвинуваат дека партијата во минатото правела политички компромиси за да остане на власт.

Од владејачката партија воедно прогнозираат нов изборен пораз за СДСМ, повикувајќи се на, како што наведуваат, резултатите од повеќе последователни изборни циклуси и актуелните анкети.