ВМРО-ДПМНЕ го обвини СДС и неговото актуелно раководство дека продолжуваат со, како што наведуваат, „лаги и хистерија“ во јавноста, реагирајќи на денешната прес-конференција на Андреј Жерновски.
Од партијата упатија остри критики кон Жерновски, кого го обвинија за менување политички партии и неуспешна политичка кариера. Од ВМРО-ДПМНЕ велат дека тој е дел од актуелното раководство на СДС, кое, според нив, ги критикува резултатите на Владата предводена од ВМРО-ДПМНЕ.
Во партиското соопштение се наведува дека СДС, како што тврдат од ВМРО-ДПМНЕ, се противи на подобрувањето на стандардот на граѓаните, политиките поврзани со националниот идентитет и начинот на кој Владата ја одбележува 35-годишнината од независноста.
ВМРО-ДПМНЕ упати и директни обвинувања кон Жерновски, поврзувајќи го со поранешниот премиер Зоран Заев и актуелниот лидер на СДС, Венко Филипче.
„Граѓаните на Македонија одлучија дека сакаат државата да оди напред, тие да одат напред и тоа да се прави достоинствено, како и што е сега“, наведуваат од партијата.
Од ВМРО-ДПМНЕ додаваат дека граѓаните на изборите дале поддршка за политиките на актуелната власт и повторно го нападнаа Жерновски, нарекувајќи го „талог на Македонија“.
