ВМРО-ДПМНЕ: Судот мора да обезбеди правда за ‘Пулс’ — Филипче да не глуми чесен

ВМРО-ДПМНЕ денеска соопшти дека очекува судот да постапи бескомпромисно и одговорно во случајот со трагедијата во дискотеката „Пулс“, истакнувајќи дека правдата мора да биде еднаква за сите, без политички или етнички разлики.

— реклама —

„Секој процес е отворен за јавноста, може да присуствува публика согласно законите за транспарентност. Прес-конференцијата на Филипче е срамен обид да глуми чесен, во ситуација кога цела држава знае дека има сериозни дамки – од модуларната болница, па сè до разни набавки во здравството,“ наведуваат од партијата.

— реклама —

Од ВМРО-ДПМНЕ порачаа дека обвинителството на Заев и Филипче мора да делува одговорно и да го испита целиот случај, без селективен пристап и политички влијанија.

„Обврска и одговорност на судот е да има правда за случајот ‘Пулс’, да не биде компромитиран и да ги повика на одговорност сите кои се огрешиле во било каква смисла, без разлика на политичка или етничка припадност, и да не води сметка на политички пораки и притисоци, каква што е оваа алиби-прес конференција на докторот Менгеле – Филипче,“ стои во соопштението.

— реклама —

Од партијата потенцираат дека вистината мора да излезе на виделина и дека Македонија мора да изгради систем во кој нема да има повластени и недопрени.

— реклама —

„Овој случај е исклучително важен. Македонија мора да ги победи сите оние кои мислат дека со евтини трикови ќе ја надмудрат и ќе ја остават во калта на нивното гнасно минато. Правда мора да има — за сите,“ порачуваат од ВМРО-ДПМНЕ.