Сообраќајот на државните патишта денеска се одвива без поголеми проблеми, претежно по суви коловози, а интензитетот надвор од населените места е умерен. На граничните премини од македонска страна, според АМСМ, нема подолги задржувања.
Сепак, возачите се повикуваат на зголемено внимание, особено на делниците Катланово – Велес, Маврово – Дебар – Струга, Виница – Берово и Кочани – Делчево, каде што постои можност за појава на одрони.
АМСМ апелира брзината да се приспособи кон условите на патот и доследно да се почитува поставената сообраќајна сигнализација.
Времен режим поради градежни и санациони активности е во сила и на повеќе други патни правци, меѓу кои Кичево – Охрид, Гостивар – Стража, скопската обиколница, Смоквица – Гевгелија и Прилеп – Битола.
На патниот правец Охрид – Ресен, преку Националниот парк Галичица, сообраќајот е дозволен само за возила со најголема дозволена маса до 3,5 тони.
Од АМСМ потсетуваат дека возачите треба внимателно да ја следат сообраќајната сигнализација и да ги почитуваат ограничувањата на сите делници каде што се изведуваат градежни и санациони работи.
