Во БиХ запленети 40 килограми дрога пристигната преку пристаништето Плоче

Државната агенција за истраги и заштита на Босна и Херцеговина (СИПА) соопшти дека во координирана акција со Министерството за внатрешни работи на Хрватска биле запленети 40 килограми дрога, која во Босна и Херцеговина пристигнала преку пристаништето Плоче.

— реклама —

Полициската операција била спроведена во вторник по наредба на Судот на БиХ, а во акцијата биле уапсени девет лица.

— реклама —

При претресите на станбени и помошни објекти, како и на возила, полициските службеници пронашле и привремено одзеле 40 килограми опојна дрога „канабис сатива“. Според информациите од СИПА, дрогата од пристаништето Плоче била транспортирана во Босна и Херцеговина со товарно возило што го користело едно од приведените лица.

— реклама —

Од СИПА посочија дека, иако во операцијата учествувале повеќе безбедносни агенции од БиХ, акцијата претставува пример за успешна регионална соработка во борбата против транснационалниот организиран криминал.

— реклама —

Претреси и апсења биле извршени во Чапљина, Кнежево, Теслиќ, Лакташи, Бања Лука, Зворник и на подрачјето на Брчко Дистрикт.