Чешката полиција го привела рускиот митрополит Иларион поради сомнеж за поседување дрога, изјавил еден од неговите помошници, пренесува руската агенција РИА Новости.
„Во 10:30 часот започна испрашувањето на владиката со учество на обвинител, судија, руски конзул и адвокат. Официјално е обвинет за поседување дрога. Врз основа на тоа е приведен, сместен во притворски центар, а сите негови лични работи се одземени“, изјавил неименуван извор за агенцијата РИА Новости.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10,"url":"https://www.loto.mk"}])
Истата ноќ митрополитот го посетиле адвокат, како и руски конзул. Иларион целиот случај го нарекол провокација.
Митрополитот Иларион важи за еден од најистакнатите свештеници на Руската православна црква. Од 2009 до 2022 година раководел со Одделот за надворешни црковни односи на Московската патријаршија.
Од 2022 до 2024 година бил на чело на Будимпештанско-унгарската епархија на Руската православна црква, а моментално служи во црквата „Свети Петар и Павле“ во Карлови Вари.
