Во текот на вчерашниот ден во здравствените установи во Гостивар биле извршени 78 прегледи, што е за шест помалку во споредба со претходниот ден, кога биле регистрирани 84 прегледи, соопшти Министерството за здравство.
Од ресорното министерство информираат дека епидемиолошката состојба во Гостивар и понатаму континуирано се следи од надлежните здравствени институции.
Според официјалните податоци, во периодот од 14 јули, заклучно со вчерашниот ден, се регистрирани вкупно 4.762 прегледи. Во истиот период биле примени 1.071 формална пријава за заразна болест, а изработени се 748 нови епидемиолошки анкети, со опфат од околу 70 проценти.
