Во Гостивар вчера прегледани 197 пациенти кои првпат побарале лекарска помош, нема нови хоспитализации

Бројот на лица кои првпат побарале лекарска помош во јавните здравствени установи во Гостивар продолжува да се намалува, соопшти Министерството за здравство.

— реклама —

Според официјалните податоци, во текот на 23 јули биле евидентирани вкупно 197 новопрегледани пациенти, што претставува намалување во однос на претходниот ден.

— реклама —

— реклама —

Во Општата болница „Д-р Ферид Мурад“ во Гостивар биле извршени 117 нови прегледи. Од нив, 82 биле на Инфективното одделение, каде што немало нови хоспитализации, а тројца пациенти биле отпуштени од болничко лекување. Дополнително, биле извршени 40 прегледи на Педијатриското одделение и седум во Ургентниот центар.

Во Здравствениот дом во Гостивар, пак, биле регистрирани 80 нови прегледи во дежурната служба, додека Итната медицинска помош интервенирала по 13 повици.