Во Грција 35-годишен маж ѝ одгризал дел од увото на таксистка бидејќи немала ПОС-терминал

Жена таксист била нападната во атинското предградие Неа Јонија, откако 35-годишен маж физички ја нападнал и ѝ одгризал дел од увото.

— реклама —

Нападот се случил околу 1 часот по полноќ. Според грчките медиуми, инцидентот започнал откако патникот сфатил дека таксистката нема ПОС-терминал за плаќање со картичка.

Мажот ја нападнал 54-годишната жена и ѝ одгризал дел од увото. Таа била пренесена во болница со возило на Итната медицинска помош, каде што ѝ била укажана медицинска помош.

— реклама —

Очевидец кој интервенирал и го совладал напаѓачот изјавил дека мажот се однесувал невообичаено и изгледал збунето. Тој навел дека не забележал дека напаѓачот бил под дејство на алкохол, но изразил сомнение дека можеби бил под дејство на други супстанции. Овие наводи се предмет на истрага.

— реклама —

Повредената таксистка по нападот била во шок и плачела, додека очевидецот раскажал дека таа успеала да побегне од местото на нападот и да ја премине улицата.

Полицијата пристигнала за околу десет минути и го уапсила осомничениот. Против него е поднесена пријава за нанесување тешки телесни повреди.

— реклама —

Надлежните продолжуваат со истрагата за да се утврдат сите околности на нападот, како и состојбата на 35-годишникот во моментот на инцидентот.