Во недела целосно затворање на сообраќајот на крстосницата „Скупи“ – „Љубљанска“ поради поставување нови семафори

Во недела, на 15 ноември, од 8 часот наутро, ќе започнат активности за поставување нови светлосни сигнали на крстосницата меѓу улиците „Скупи“ и „Љубљанска“ во Скопје.

— реклама —

Од ЈП „Улици и патишта“ информираат дека ќе се демонтираат постојните семафорски портални и обични столбови, како и семафорската опрема, согласно со одобрениот сообраќаен проект за измена на режимот на сообраќај.

— реклама —

— реклама —

За време на работите, сообраќајот ќе биде целосно затворен по соодветните правци и пренасочен по околната улична мрежа. Привремениот режим ќе важи до завршување на активностите, а сообраќајот ќе се регулира со поставена сигнализација и присуство на екипи на јавното претпријатие.

— реклама —

Од претпријатието апелираат до возачите да бидат трпеливи, да ги почитуваат поставените сообраќајни знаци и да се приспособат на привремениот режим на движење.