Во пет реони во Крушево водата не е безбедна за пиење, предупредување до жителите: Користете флаширана вода

Центарот за управување со кризи соопшти дека, според известување од Регионалниот центар за управување со кризи – Битола, водата за пиење во повеќе реони во Крушево е микробиолошки неисправна.

— реклама —

Како што информира Центарот за јавно здравје – Прилеп, врз основа на примероците земени на 20 јули 2026 година, микробиолошки неисправна е водата од чешмите кај „Св. Петка“, Крајпатната бензинска, реонот на Црешово Топче, Старата црква и реонот под хотел „Монтана“.

— реклама —

— реклама —

Од ЈП „Комуна“ – Крушево апелираат граѓаните да не ја користат водата од чешма за пиење, туку да употребуваат флаширана вода.

— реклама —

За подготовка на храна и за миење, од јавното претпријатие препорачуваат водата претходно да се преврива најмалку 10 минути, сè до добивање нови резултати кои ќе потврдат дека таа е безбедна за употреба.