(Видео) Во Прилеп запленети 168 килограми тутун без акцизни маркички вреден 463.787 денари, затекнати шест лица при продажба

Царинската управа запленила 168,7 килограми режан тутун во Прилеп при засилена контрола на акцизни производи на зелениот пазар и градскиот плоштад. Со нелегалната продажба биле избегнати акцизни давачки во износ од 463.787 денари.

— реклама —

Во акцијата учествувале царински службеници од Царинарницата Битола и мобилни тимови од Одделението за оперативни работи, со асистенција на полицијата. Притоа биле затекнати шест лица како продаваат тутун без акцизни маркички.

— реклама —

Против лицата се поведени соодветни постапки пред надлежниот суд и Комисијата за прекршоци.

— реклама —

Од Царинската управа информираат дека ова е втора ваква акција во краток период. При претходна контрола на пазарот во скопската општина Чаир биле запленети 135 килограми режан тутун.

— реклама —

Оттаму најавуваат продолжување на засилените контроли и истраги за сузбивање на нелегалната трговија со тутун и тутунски производи.