Разорниот пожар на југот на Шпанија, во кој загинаа најмалку 12 лица, повеќе не се шири, откако пожарникарите со денови се бореа да го стават под контрола.
Претседателот на регионалната влада на Андалузија, Хуанма Морено, изјави дека состојбата е стабилизирана, а во гаснењето значително помогнале послабиот ветер и зголемената влажност на воздухот.
На терен и натаму се ангажирани околу 500 пожарникари, војници и припадници на службите за итни интервенции, кои работат на целосно локализирање на пожарот. Според официјалните податоци, огнената стихија уништила околу 7.000 хектари шума и ниска вегетација.
Во меѓувреме, продолжува потрагата по евентуални нови жртви. Спасувачките екипи, волонтерите, полицијата и армијата повторно ги пребаруваат опожарените подрачја, куќите и околните патишта.
Околу 600 евакуирани жители веќе добиле дозвола да се вратат во своите домови, додека уште околу 1.000 лица остануваат привремено сместени кај роднини или во хотели. Надлежните очекуваат и тие наскоро да се вратат дома.
Во пожарот, кој избувна во четвртокот навечер, животот го загубија најмалку 12 лица, а осуммина се повредени. Според првичните информации, причината за избувнувањето на пожарот најверојатно е дефект на далновод.
(Видео) Најмалку 12 загинати во катастрофален пожар во Шпанија, исчезнати 19 лица
Најмалку 12 лица загинаа во катастрофалниот шумски пожар што ја зафати шпанската покраина Андалузија, а уште 19 лица се водат како исчезнати, соопштија регионалните власти.Според шпанскиот весник „Ел Паис“, бројот на жртви се искачил откако рано утрово била потврдена смртта на уште шест лица. Пожарот избувнал во општината Лос Гаљардос, во провинцијата Алмерија.Првичните информации укажуваат дека дел од загинатите, за кои се претпоставува дека биле странски туристи, се обиделе да ја напуштат обла
Свет | пред 2 дена
