Во Русија откажано првото лансирање на ракета поради дефект

Во Русија денеска беше откажано првото лансирање на ракетата од тешка класа Ангара-А5 од новоизградената лансирна рампа на космодромот Восточни поради дефект во системот за надополнување на резервоарот за оксидатор на централната единица.

— реклама —

Следниот обид за лансирање е закажан за утре, пренесува РИА вести.

— реклама —

„Командата за прекин на лансирањето е издадена“, изјави коментатор на рампата за ракетата, која требаше да биде лансирана во 12 часот по московско време.

— реклама —

Инфраструктурата за лансирање на ракети Ангара на космодромот Восточни е во изградба од 2018 година.

Претходно од космодромот Плесек беа лансирани три тешки ракети Ангара, а од 2016 година од космодромот Восточни беа лансирани вкупно 16 ракети од класата Сојуз-2.1а и Сојуз-2.1б.