Во сабота ќе се одржи 47. „Марш на ангелите“ во Кочани

Здружението на граѓани „16 Март 2025“ повика на 47. „Марш на ангелите“, кој ќе се одржи во сабота, 18 јули, со почеток во 18:05 часот, во Паркот на Револуцијата во Кочани.

— реклама —

Од здружението порачаа дека и по 47 одржани маршеви нивното барање останува непроменето – вистинска правда.

— реклама —

„Секое рочиште отвора нова болка. Секој нов доказ открива нови пропусти. Секое непостапување потврдува дека трагедиите не се случуваат одеднаш, туку се создаваат со години“, наведуваат од здружението.

Тие истакнуваат дека правдата не е важна само за минатото, туку и за иднината, оценувајќи дека само со одговорност и функционални институции може да се спречат слични трагедии.

— реклама —

Во повикот до граѓаните се наведува дека присуството на маршот е став, порака и одговорност кон жртвите и идните генерации.

„Да покажеме дека 63 животи не се статистика. Да покажеме дека Кочани памети. Да покажеме дека правдата не се бара еднаш, туку сè додека не биде исполнета“, порачуваат од Здружението „16 Март 2025“.