Во сабота помен наместо „Марш на ангелите“ во Кочани

Здружението на граѓани „16-ти Март 2025 Кочани“ соопшти дека оваа сабота, 13 септември 2025 година, нема да се одржи редовниот „Марш на ангелите“.

— реклама —

На негово место ќе биде извршен црковен помен на гробните места, во спомен на децата кои трагично ги загубија животите пред шест месеци во несреќата што ја потресе целата земја.

Од здружението упатија благодарност за разбирањето и повикаа граѓаните со достоинство да се приклучат на молитвениот чин.