По повод Светскиот ден на мултиплекс склерозата, денеска во „Europe House“ ќе се одржи настан посветен на подигнување на свеста за ова хронично невролошко заболување.
Организатор на настанот е Националното здружение за мултиплекс склероза, а предвидени се обраќања и дискусии со учество на лекари, експерти и претставници на институции.
Меѓу говорниците се Ана Карајанова Димитрушева, Јован Божиновски, Сашо Клековски и Слободанка Бурнеска Саздова.
Целта на одбележувањето е да се укаже на предизвиците со кои се соочуваат лицата со мултиплекс склероза, како и на потребата од навремена дијагноза, континуиран третман и долгорочна поддршка за пациентите.
Настанот ќе опфати стручни излагања и разговори за квалитетот на живот и здравствената грижа за лицата што живеат со ова заболување.
