Град Скопје ги информира граѓаните дека на 11 август (вторник), во раните утрински часови, ќе се спроведе авионска дезинсекција против ларви од комарци на подрачјето на главниот град.
Од Градот посочуваат дека доколку временските услови не дозволат реализација на третманот, дезинсекцијата ќе биде извршена првиот нареден ден кога ќе има поволни услови, во истиот термин.
Воедно, упатен е апел до пчеларите навреме да ги преземат сите неопходни мерки за заштита на пчелите за време на спроведувањето на дезинсекцијата.
