ЈП „Водовод и канализација“ – Скопје соопшти дека водата за пиење во главниот град е безбедна и ги исполнува сите законски стандарди за квалитет.
Според неделниот лабораториски извештај, во периодот од 20 до 24 јули 2026 година, Секторот за санитарна контрола извршил земање на 195 примероци за физичко-хемиска и 195 примероци за микробиолошка анализа од вкупно 45 мерни места на територијата на Скопје.
Резултатите од испитувањата покажале дека сите анализирани примероци се во согласност со Правилникот за барањата за безбедност и квалитет на водата за пиење.
Од претпријатието информираат дека редовниот мониторинг на квалитетот на водата продолжува со цел навремено следење и обезбедување безбедна вода за сите граѓани на Скопје.
