Водата за пиење во Скопје е безбедна – испитани 410 примероци

Водата за пиење во Скопје е безбедна и ги исполнува пропишаните стандарди за квалитет, покажуваат најновите лабораториски анализи на ЈП „Водовод и канализација“ – Скопје.

— реклама —

Во периодот од 31 август до 4 септември 2026 година, Секторот за санитарна контрола земал вкупно 410 примероци вода од 44 мерни места на територијата на градот. Од нив, 205 примероци биле испитани за физичко-хемиски параметри, а исто толку биле подложени на микробиолошка анализа.

— реклама —

— реклама —

Според резултатите од лабораториските испитувања, сите анализирани примероци одговараат на барањата утврдени со Правилникот за барањата за безбедност и квалитет на водата за пиење.

— реклама —

Од ЈП „Водовод и канализација“ – Скопје посочуваат дека извештајот е објавен со цел граѓаните навремено да бидат информирани за квалитетот и безбедноста на водата што ја користат за пиење.