Возач со активна забрана удрил 79-годишна жена на улица во Охрид

79-годишна жена од Скопје се здобила со тешки телесни повреди откако била удрена од патничко возило на улицата „Јане Сандански“ во Охрид.

— реклама —

Според Министерството за внатрешни работи, несреќата се случила на 4 октомври околу 10:55 часот. Возилото „пежо“, со охридски регистарски ознаки, го управувал 52-годишниот Б.Х. од Охрид.

— реклама —

По несреќата, М.Н. била пренесена во Специјалната болница „Свети Еразмо“ во Охрид, каде што биле констатирани тешките телесни повреди.

— реклама —

На местото на несреќата извршила увид увидна екипа од СВР Охрид. При увидот било констатирано дека возачот го управувал возилото и покрај тоа што имал активна забрана за управување со моторно возило.

— реклама —

По целосното документирање на настанот, од МВР најавуваат соодветен поднесок.