Возел пребрзо и по левата лента, па понудил пари на полицајците за да избегне казна: уапсен македонски државјанин во Србија

Државјанин на Македонија е уапсен во Србија под сомнение дека се обидел да поткупи сообраќајни полицајци за да избегне санкција за сообраќајни прекршоци, пренесува „Н1“.

— реклама —

Како што соопшти српското Министерство за внатрешни работи, 43-годишниот З. А. бил приведен од припадници на Управата за криминалистичка полиција и Службата за борба против корупцијата, по налог на Посебното одделение за сузбивање корупција при Вишото јавно обвинителство во Краљево.

— реклама —

— реклама —

Според сомнежите на истрагата, тој вчера на полицајци од Управата за сообраќајна полиција им понудил пари за да не му издадат прекршочен налог. Претходно, додека управувал патничко возило на автопат, ја надминал дозволената брзина и се движел по левата сообраќајна лента, иако десната била слободна.

— реклама —

На осомничениот му е одредено задржување до 48 часа, по што со кривична пријава ќе биде спроведен пред надлежното обвинителство.