Возел со 2,22 промили алкохол низ Тетово, удрил тројца малолетници и избегал: Едно момче тешко повредено

Три 16-годишни момчиња биле повредени во сообраќајна несреќа што се случила синоќа на булеварот „Видое Смилевски Бато“ во Тетово. Во нив удрило патничко возило „БМВ“, управувано од 42-годишен тетовец, кој по несреќата го напуштил местото.

Според информациите од Министерството за внатрешни работи, несреќата била пријавена во СВР Тетово на 24 октомври 2026 година, околу 22:20 часот.

— реклама —

Возачот Д.С. по ударот продолжил да се движи со возилото, но набргу бил пронајден и сопрен на улицата „Никола Тесла“ во Тетово.

— реклама —

При извршеното алкотестирање биле измерени 2,22 промили алкохол во крвта. При преглед на возилото, полициските службеници пронашле и три пакувања со марихуана.

Возачот бил лишен од слобода, а возилото било одземено.

— реклама —

Во несреќата еден од малолетниците се здобил со тешки телесни повреди, додека другите двајца поминале со телесни повреди. Повредите биле констатирани во Клиничката болница во Тетово.

На местото на несреќата бил извршен увид од увидна екипа на СВР Тетово.

Од МВР информираат дека по целосното документирање на случајот против возачот ќе следува соодветна пријава.