Возеле без возачка, дел од нив предизвикале и сообраќајки: девет лица приведени

Девет возачи се лишени од слобода во текот на изминатото деноноќие на територијата на државата поради безобѕирно управување со возило, откако биле затекнати како возат без возачка дозвола, информира Министерството за внатрешни работи.

— реклама —

Меѓу приведените има и двајца малолетници, а едно од лицата било и под дејство на алкохол.

— реклама —

Од МВР соопштуваат дека по две лица биле лишени од слобода во Скопје и Прилеп, а по едно во Кочани, Гевгелија, Кратово, Македонски Брод и Кривогаштани. Во Македонски Брод и Кривогаштани приведените биле малолетници.

Лицето во Кратово претходно учествувало во сообраќајна незгода, како и едно од лицата во Прилеп, кое освен што возело без дозвола, било и под дејство на алкохол.

— реклама —

По целосното документирање на случаите, против сите ќе бидат поднесени соодветни кривични пријави.

— реклама —

Од полицијата апелираат до граѓаните да не управуваат возила без положен возачки испит, без важечка дозвола или под дејство на алкохол, со цел да се зголеми безбедноста во сообраќајот.